CASILDA ITURRIZAR PARKEA

 Lehen Hezkuntzako 1. zikloko ikasleak LANDAREAK proiektua lantzen ari gara eta haien mundua hobeto ezagutzeko ostegunean, hilak 7, Casilda Iturrizar parkera joan ginen.

Han, zuhaitzak, batzuk fruituekin, beste batzuk loreekin, zuhaixkak, belarrak, loreak...ikusi genituen eta gero gehien gustatu zitzaizkigunak marraztu genituen klasean aztertzeko. 

Lan ederra benetan!!!

INAUTERIAK !!!

 Otsailaren 9an inauteriak ospatu genituen Tiboli eskolan.

Aurten " Garai ezberdinetako janzkera Historian zehar " izan zen gaia eta horregatik erromatar, egiptoar, printzesa, zaldun , hippy ... asko etorri ziren eskolara. Ikusteko mozorroak!!!

Iaz bezala kalejira egin eta Moraza plazan dantza erakusketa egin genuen. Familiak inauteriez gozatzera gonbidatuta zeudenez oso ondo pasatu genuen guztiok elkarrekin.

Amaitzean eskolara bueltatu ginen, txokolate gozoa hartu eta festarekin jarraitu genuen dantzan eta jolasean. Egun ederra !!!

GABONAK

Hilaren 21a oso egun berezia izan zen Tiboli eskolan, oporrak hartzeaz gain, Olentzero eta Mari Domingiren bisita jaso genuelako.

Funikular plazara joan ginen lehenik Gabon kantekin harrera egitera eta gero eskolara itzuli ginen haiekin txokolate bero bat hartzera. Bukatzeko opariak banatu zizkiguten eta urte berrirako aholku onak eman zizkiguten.

Ah, Egun polit hau gogorazteko argazkiak ere atera genituen. BEGIRA zein eder geunden!

"ZINETXIKI" ZINEMALDIA

 Astelehenean, abenduaren 11n, 1. zikloko ikasleok Azkuna Zentroko "Zinetxiki" zinemaldira joan ginen. Han asko gustatu zitzaizkigun laburmetrai batzuk ikusi genituen eta oso ondo pasatu genuen.

SAF TAILERRA

Abenduaren 4an eta 5ean, 1. zikloko ikasleok SAF tailerretara joan ginen. Han elurrezko panpina bat egin genuen egurrez, gero Gabonetako zuhaitzean zintzilikatzeko.

Begira ze politak geratu zaizkigun !!!  

 

EUSKERAREN EGUNA

 Abenduaren 3an, EUSKARAREN NAZIOARTEKO EGUNA ospatzen denez, ostiralean Tiboli eskolan hainbat ekintza egin genituen: karaoke, dantzak, jolasak, muralak, tarjetak, leloak...

Oso egun polita izan zen eta beti bezala gure Tiboliña egon zen gurekin gogorazteko euskera maite badugu zaindu behar dugula egunero.

Ez ahaztu gure leloa: EUSKERA GORA, BIHOTZETIK AHORA ...eta praktikan jarri !!!

INGELES ANTZERKIA

 Azaroaren 28an, Lehen Hezkuntzako ikasle guztiok ingeles antzerki emanaldi bat izan genuen ikastetxeko saloian. Asko gustatu zitzaigun eta oso ondo pasatu genuen. Eskerrik asko ingeleseko irakasleei!!!